WAZIRI WA USHIRIKIANO WA AFRIKA MASHARIKI, DK. HARRISON MWAKYEMBE AWAPONGEZA WAKAZI WA KYELA KWA USHIRIKIANO.

WAZIRI  wa ushirikiano wa Afrika Mashariki, Dk. Harrison Mwakyembe ambaye pia  ni Mbunge wa Jimbo la Kyela(CCM) amewapongeza wakazi wa kyela kwa  ushirikiano.

 

Dk. Mwakyembe alitoa pongezi hizo kufuatia  umati mkubwa wa Wananchi kujitokeza katika mazishi ya kaka yake

Christian Mwakyembe aliyefariki dunia akiwa anatibiwa nchini India na  kuzikwa kijijini kwao Ikolo wilaya ya Kyela mkoani Mbeya.

 

Akizungumza  kwa niaba ya familia ya Mwakyembe, Dk. Mwakyembe alisema ushirikiano  uliooneshwa na wananchi wa Kyela na Watanzania kwa ujumla tangu msiba  ukiwa Dar es salaam, Mbeya mjini na hatimaye kijijini kwao ni mkubwa  sana na unapaswa kupongezwa.

 

 

“Sisi kama familia hatuna cha  kuwalipa zaidi ya kuwaombea kwa Mwenyezi Mungu kwani mlikuwa nasi tangu

mliposikia Kaka yetu amefariki kule India alipoletwa Dar es salaam, kule  Mbeya na hapa kijijini Kwetu tunashukuru sana” alisema Dk. Mwakyembe.

 

 

Hata  hivyo shughuli za msiba huo zilibebwa na Chama cha waandishi wa habari  za uwekezaji na utalii(TAJATI) chenye makao makuu jijini Mbeya kufuatia  mmoja wa wafiwa ni mwanachama wa chama hicho.

 

Mwanachama  huyo Felix Mwakyembe ambaye ni mdogo wa Marehemu alipongeza namna  wanaTajati walivyoshiriki kwa asilimia kubwa katika shughuli za mazishi  ikiwa ni kushusha mwili wa marehemu kwenye gari, kupeleka ndani kuutoa  nje wakati wa ibada na kuupeleka makaburini kasha kushusha kaburini na  kuzika.

 

“ Niwashukuru sana wenzangu kwa sapoti mliyonipa  sina cha zaidi zaidi ya kuwashukuru moyo mlioonesha ni mkubwa sana”  alisema Felix Mwakyembe.